Aslam O Alikum
Mein jiss tour ka zikar kernay laga hoon, Yeh tour Skardu hay, Hum aath/8 dost hein, jin mein Basharat Ali, Javaid Habib, Mian Naveed, Mian Moneeb, Mian Moon, Mian Amjid, Mian Javaid Iqbal, Mian Anujm shamil hein.
15/06/2003 mein hum raat 8:00pm bajay Samundri say Faisalabad New Chodhery bus mein baith ker guy taqreban 1 gantay mein. orr Karya/ cost per head 20 rupee tha, Phir hum roshan wali jhaal per utray orr wahan say 3 rikshay 150 rupee mein liya orr Abdullah Pur( Faisalabad ) pohnchay, Wahan per haker awaz laga raha tha Murree walay, Murree walay orr Mian Naveed ka hath paker ker khanch ker lay janay laga orr kehnay laga Murree walay Murree walay, Tu Mian Naveed kehnay laga ( Koee Jeoondi hay tay dass ) woh haker hath chorr ker chala gia orr awaz laganay laga kay Pindi wallay, Pindi wallay.
Abdullah Pur ( Faisalabad ) say hum Rawal Pindi kay lia AC Coaster mein raat 11:00 bajay baithay orr per head cost/karya 250 rupee ayaa, orr rustay mein Motorway per rukay ( Kalar Kahar say Pehlay ) eik resturant per. Jaldi say uter ker sab say pehlay kuch doston nay Cigret laga lee, kuch phir tea/ chai peenay laga orr phir bathroom say farig honay lagay, orr phir Coaster walay nay haron dia orr awam/dost Coaster mein aa ker baith guy, orr Pindi kee janab rawana ho guy. Kalar Kahar jo kay Motorway ka buland hissa hay wahan kanoo mein saein saein honay lagee kabi eik kaan band honay laga orr kabi dosra phir taqeeban 4 hour mein hum Faisalabad say Pindi pohnchay, orr Pir wadayee Bus Stand uter guye.
Pir wadayee ( Rawal Pindi ) wahan hum nay Namaz parree orr Nashta kia, essi duraan Skardu kay lia service kee maloomaat kernay laga orr Best services 2 hein eik Mashboom Bus Service orr EIk NATCO Bus service hay, Hum nay Government Transport yani NATCO ko prefer kia orr per head 1150 rupee kay Ticket lay lia orr yeh service 11:00 am kay time per hum ko lay ker Skardu kay lia rawana ho gyee.
Bus non stop nikal parri. 1st stop at Mansehra, orr phir 5/6 hours baad Besham Ja ruki, essi duran marray parray dostoon ko Yaqeen ayaa kay yeh bus ruk b sakti hay, nadaal nadaal saray ahista ahista zamin per qadam rakhnay lagay ( Besham germi ka end orr sardi ka shorrow point hay ) thori door hotel tha sab sathion nay rafah hajit kay lia odher ko dorr laga di, rastay mein dirya kay pull tha uss per say jab guzray tu sab per sakta taari ho gia keyon kay driya/river ka thanda pani pathroon per paar kay jo phawaar day raha tha, uss kee thandak say sab kee kulfi jam guyee, uss seen ko enjoy kia orr wahan hotel per ja kay wahan per bichi hoee charpayeon per ja baithay, sab say pocha giya khana khaoo guye?, Lambay safer orr germi ki waja say sab ka borra haal tha, tamam doston nay kaha kay nahi khanay ka mode nahi hay, Tab hum nay eik daal orr 3 chapatiaan mangwal lein orr sab nay do do nawalay khanay ka faisala kia, mager jab khana shorrow kia tu kuch mahool aisa tha kuch khana etna taisty tha ka yaad nahi ka phir kitni plates daal kee orr kitni chapatiaan ayeen. Sab nay khoob khayaa, khana kha kay humein serdi mehsoos hoee orr kuch dost July kay germ mahinay mein tandoor kay pass ja ker aag sanknay lagay...... Imagine the scene ..
Orr phir hamara Skardu kay lia agay ka safar shorrow hoaa, Continue ......
No comments:
Post a Comment